طالبانو په درېیو ولایتونو کې ۱۲ کسان، د دوو ښځو په ګډون، په درو ووهل
- Zan News
- Apr 15
- 1 min read
طالبانو په خوست، زابل او هرات ولایتونو کې ۱۲ کسان، د دوو ښځو په ګډون، په عام محضر کې په درو وهلي دي.
د طالبانو سترې محکمې د چهارشنبې په ورځ (د وري ۲۶مه) په خپرو شوو خبرپاڼو کې ویلي چې دغه کسان د «مخدره موادو قاچاق او خرڅلاو» او «نامشروع اړیکو» په تور په درو وهل شوي دي.
د دې محکمې په وینا، په خوست ولایت کې اته کسان د مخدره موادو د قاچاق او خرڅلاو په تور له اتو تر لسو میاشتو بند او له ۱۰ تر ۱۵ درو محکوم شوي دي.
همداراز، په زابل او هرات ولایتونو کې څلور کسان، د دوو ښځو په ګډون، د «نامشروع اړیکو» په تور هر یو په بند او ۳۹ درو محکوم شوي دي.
په وروستیو اوونیو کې د طالبانو لهخوا د خلکو پر وړاندې بدني سزاوې زیاتې شوې دي، په داسې ډول چې یوازې په تېره یوه اوونۍ کې له ۲۰ څخه ډېر کسان په درو وهل شوي دي.
