زموږ په اړه
زن ټلویزیون د افغانستان لومړۍ د ښځو لهخوا مشره شوې رسنیزه شبکه ده. دا شبکه په 2017 کال کې جوړه شوې، څو د افغان ښځو غږ لوړ کړي. په هغه هېواد کې چې ښځو ته د عامه خبرو اجازه نه ورکول کېدله، زن ټلویزیون دا بندیزونه مات کړي دي. ښځې یې د خبریالانو، تولیدوونکو، او د کیسو ویونکو په توګه روزلي او ګومارلي دي.
زن ټلویزیون ښځو ته مایک ورکړی دی – څو مشري وکړي، الهام ورکړي، او واورېدل شي.
د افغان ښځو پیاوړتیا د رسنیو له لارې
زن ټلویزیون په افغانستان کې لومړنۍ رسنیزه شبکه ده چې «د ښځو لهخوا، د ښځو لپاره» جوړه شوې. دا شبکه په ۲۰۱۷ کال کې په کابل کې تأسیس شوه. زن ټلویزیون د دې لپاره رامنځته شو، څو د نارینهمحوره رسنیز چاپېریال په منځ کې د افغان ښځو غږ ته ځواک ورکړي، او ډېر ژر د ښځو د پیاوړتیا، ملاتړ او لید لپاره یو مخکښ پلاتفورم وګرځېد.
زموږ مأموریت ساده خو پیاوړی دی: ښځو ته مایک ورکول – نه یوازې د راپور ورکولو لپاره، بلکې د رهبرۍ، الهام بخښلو او بدلون د رامنځته کولو لپاره. موږ د ژورنالېزم، کیسهویلو او د رسنیز تولید له لارې جنسیتي هنجارونه ننګوو، د ښځو لاسته راوړنې روښانه کوو، او د تاوتریخوالي، تبعیض او بېعدالتۍ پر ضد دریږو.
حتی په جلاوطنۍ کې هم زن ټلویزیون خپل فعالیت ته دوام ورکوي، او زړور، معلوماتي او له فرهنګي لحاظه اړوند محتوا تولیدوي چې پر حقونو، زدهکړې، روغتیا، سیاسي ګډون او د ښځو پر واقعي تجربو تمرکز لري.
زموږ کیسه
زن ټلویزیون په داسې یو پړاو کې رامنځته شو چې د افغان ښځو لپاره د بدلونونو وخت و. له هماغه پیل نه، موږ ښځې په هغو رولونو کې وروزلې او وګومارلې، کوم چې دوداً پرې بند ول، لکه د خبریالې، سمونوالې، تولیدوونکې او ویاندې رولونه. په دې سره مو د افغانستان د رسنیو په ډګر کې د جنسیتي برابریو لپاره یو نوی معیار رامنځته کړ.
ماموریت
د افغان ښځو د غږ د پیاوړتیا او د هغوی د حقونو د دفاع لپاره، د ژورنالېزم، زدهکړې او کیسهویلو له لارې. موږ ښځې پیاوړې کوو، چې پوهه خپره کړي، غږ پورته کړي، او مشري وکړي.
لید
یو داسې ټولنه چې پکې د افغان ښځو او نجونو استازیتوب، غږ او درناوی برابر وي.
موږ داسې راتلونکې انځوروو چې ښځې په ژورنالېزم، سیاست، زدهکړه او فرهنګ کې مخکښې وي، او د یو سولهییز او برابر افغانستان د معمارانو په توګه ونډه واخلي.
_edited_edited_edited.jpg)
