د ماشومانو د ژغورنې سازمان اعلان کړی چې شاوخوا ۳۷ زره د پنځو کلونو نه کم ماشومان او ۱۰ زره حامله او شیدې ورکونکې ښځې په افغانستان کې د زلزله‌ځپلو سیمو کې له شدیدې خوارځواکۍ سره لاس او ګرېوان دي.

د افغانستان د مقتدرو ښځو جنبش د نړېوال د سواد د ورځې په مناسبت د یوې اعلامیې په خپرولو سره دا محرومیت غندلی او دا یې د بشري حقونو ښکاره سرغړونه او د یو ملت راتلونکی خاموشول بللي دي. په اعلامیه کې راغلي دي: «یوازینی جرم د افغان نجونو ښځینه توب دی.»

د عفو نړیوال سازمان د ملګرو ملتونو د بشري حقونو د شورا په شپږويشتمه ناسته کې خبرداری ورکړی چې د طالبانو له خوا د ښځو سرکوب او د بشري حقونو نقض زيات شوی او د دې ډلې د څېړنې او ځواب ویلو لپاره د يوه خپلواک نړيوال ميکانيزم جوړولو ته اړتیا ده.

محمد عمر مخلص، د طالبانو پخوانی قوماندان په پکتيا ولايت کې او د حقاني شبکې غړی، د خپل دريځ د پرېښودو په مراسمو کې منلې چې دې ډلې دنده لرله چې ټول خبريالان ووژني. هغه ويلي، ډېر خبريالان وتوانېدل چې له هېواده په تېښته خپل ژوند وژغوري.