د ملګرو ملتونو د ښځو څانګه وايي چې جګړې پر ښځو او نجونو ویجاړوونکې پایلې لري، خو ښځو په بېلابېلو هېوادونو کې د سولې خوځښتونه رهبري کړي او له شخړو وروسته یې د ټولنو په بیا رغونه کې مهم رول لوبولی دی.

سلګونه افغان کورنۍ وروسته له هغه چې د پاکستان د حکومت له فشارونو او د کورونو له کرایې د مالکانو له‌خوا شړل شوې، اړ شوې چې د اسلام‌اباد د ارجنټاین پارک ته پناه یوسي. دغه کورنۍ اوس په سختو او غیر صحی شرایطو کې ژوند کوي او له نامعلوم راتلونکي سره مخ دي.

د میدان وردګو ولایت د چک په ولسوالۍ کې د نه چاودلي هاوان د مرمۍ د چاودنې په پایله کې یو ماشوم وژل شوی او څلور نور ماشومان ټپیان شوي دي.

د افغانستان ښځې او نجونې د طالبانو تر واکمنۍ لاندې له سختو محدودیتونو سره مخ دي؛ هغوی له زده‌کړې او کاره محرومې شوې دي او ډېری یوازې د هېواد پرېښودو هیلې په زړه کې لري.