په هرات ولایت کې د یوې خونړۍ ترافیکي پېښې په ترڅ کې لږ تر لږه ۷۹ تنه، چې ۱۹ ماشومان هم پکې شامل دي، خپل ژوند له لاسه ورکړی دی. دا قربانیان زیاتره هغه مهاجرین دي چې له ایرانه تازه بېرته ستانه شوي وو.

د ملګرو ملتونو د ښځو څانګې خبرداری ورکړی چې څلور کاله وروسته له هغې چې طالبان بېرته واک ته ورسېدل، د افغانستان ښځې او نجونې له خپلو بنسټیزو حقونو بې‌برخې پاتې شوې دي؛ محرومیت چې پایلې یې د هغوی پر روغتیا، زده‌کړو او امنیت باندې سخت اغېز لري.

شمایل توانا ناصري، د «د افغانستان د ښځو د عدالت او ازادۍ د خوځښت» مسؤله، وايي چې ورور یې محمد ناصري د طالبانو د استخباراتو له خوا نیول شوی او کورنۍ یې تر اوسه د هغه د برخلیک په اړه هېڅ معلومات نه لري.

د ملګرو ملتونو د ماشومانو د ملاتړ صندوق (یونیسف) ویلي چې یوازې په روان کال کې له دوو میلیونو څخه ډېر افغان مهاجرین له ایران او پاکستانه افغانستان ته ستانه شوي دي، چې شاوخوا ۵۰۰ زره ماشومان پکې شامل دي.