د رادیو نسیم خپرونې د دایکنډي او بامیان په ولایتونو کې وروسته له هغه بندې شوې دي چې د دې رادیو مدیرمسئول او دوه خبریالان د طالبانو استخباراتو لخوا ونیول شول.

د طالبانو سترې محکمې اعلان کړی چې د چهارشنبې په ورځ (۱۵ زمری)، اووه تنه کسان، چې یوه ښځه هم پکې شامله ده، د زابل ولایت د شاه‌جوي ولسوالۍ په عام محضر کې شلاق وهل شوي دي.

ملګرو ملتونو د پاکستان د حکومت له خوا د هغو افغان پناه‌غوښتونکو د ایستلو پرېکړې په اړه اندېښنه ښودلې چې د لنډمهاله استوګنې کارت (POR) لري.

راضیه جان، چې د افغان نجونو د زده‌کړې له مخکښو فعالانو څخه وه، د ۸۱ کلنۍ په عمر وفات شوه.