محلي سرچینې په لوېدیځ کابل کې وايي چې د طالبانو ځواکونو نن چهارشنبه سهار (د زمري ۸مه) یو شمېر ښځې او نجونې د قلعه‌نو او د دشت‌برچي د شل‌متره سړک په سیمو کې د «شرعي محرم» د نه‌لرلو په تور نیولي دي.

د اسراییلي پوځ د تازه بریدونو په پایله کې، لږ تر لږه ۶۲ فلسطیني وګړي د غزې په تراړ بند کې وژل شوي دي؛ چې له دې ډلې، ۱۹ تنه هغه مهال نښه شوي او وژل شوي دي چې د خوراکي مرستو د ترلاسه کولو لپاره په صف کې ولاړ وو.

د طالبانو سترې محکمې اعلان کړی چې یوه ښځه یې د دایکنډي ولایت کې د «نامشروع اړیکې» په تور شلاق وهلې ده.

د ملګرو ملتونو د بشردوستانه مرستو د همغږۍ دفتر (اوچا) اعلان کړی چې د ۲۰۲۵ کال له پیله تر د جولای ۱۹مې نېټې پورې، لږ تر لږه یو میلیون او ۵۴۱ زره افغان کډوال له ګاونډیو هېوادونو بېرته افغانستان ته راستانه شوي دي.