طالبانو په ننګرهار او غور کې ۱۵ کسان، چې يوه ښځه هم پکې شامله ده، د خلکو په وړاندې په عام محضر کې وهلي دي.

د افغانستان د ښځو د ازادۍ فانوس غورځنګ غړو د طالبانو له تازه اقدام سره، چې د هرات په ولایت کې یې پر ښځو د برقعې اغوستل جبري کړي، د اعتراض غونډه ترسره کړه. دا لاریون د سه‌شنبې په ورځ (۲۰ لړم) وشو.

د خوړو نړيوال پروګرام (WFP) خبرداری ورکړی چې ميليونه افغان ښځې هره ورځ ويني چې ماشومان يې د خوارځواکۍ له امله رنځيږي، په داسې حال کې چې نړيوالې مرستې کمې شوې او ژمی رانژدې شوی دی.

د هرات په ولایت کې د ښځو لپاره د برقعې د جبري کولو له پریکړې وروسته، د افغانستان د جمهورپالو ښځو شبکې په یوه اعلامیه کې دا پرېکړه د طالبانو له لوري «د ښځو د بنسټیزو حقونو او د انسانی د کرامت ښکاره نقض» بللې ده.