د اېټالیا عفو بین‌الملل خبرداری ورکړی چې د طالبانو تازه محدودیت په هرات کې، چې له مخې یې ښځې پرته له برقعې روغتونونو ته داخلېدلای نه شي، د زرګونو ښځو او نجونو ژوند په خطر کې اچوي.

ځايي سرچینې په پنجشېر کې وايي چې طالبانو د ښځو له‌پاره له پنځو ډېر د سوادآموزۍ مرکزونه تړلي او استادان یې منفک کړي دي.

مستند فلم «زما ماشومان چېرته دي؟» چې د خدیجه امین، په اسپانیا کې میشتې افغان خبریالې د ژوند کیسه بیانوي، د هسپانیا د سیویا ښار د اروپايي فلمونو په ۲۲م جشنواره کې نندارې ته وړاندې شوی دی.

د ملګرو ملتونو د ماشومانو د ملاتړ صندوق (یونيسف) خبرداری ورکړی چې افغانستان، سره له دې چې د اقلیم د بدلون په رامنځته کولو کې یې ډېر لږ رول درلود، اوس له نړۍوالو د اوبو او اقلیم له بدترینو بحرانونو سره مخ دی؛ هغه بحران چې د میلیونونو ماشومانو ژوند له ګواښ سره مخامخ کړی دی.