اسلاماباد: د افغانستان د مدني فعالانو او سياسي څېرو ناسته ترسره شوه
- Zan News
- Sep 29
- 1 min read
د افغانستان د مدني فعالانو او سياسي استازو دوه ورځنۍ ناسته د «وحدت او اعتماد» تر نوم لاندې نن دوشنبه (۷ تله) په اسلاماباد، د پاکستان په پلازمېنه کې ترسره شوه.
د دې ناستې موخه د سيمهييزو همکاريو پياوړتيا او د افغانستان د سياسي راتلونکي لپاره د يوې ليدلورې ترسيم بلل شوی دی.
ياده ناسته د «زنان برای افغانستان» او «د جنوبي آسيا د ستراتيژيکو ثبات د انستيتوت» له لوري جوړه شوې چې پکې د افغانستان ګڼ شمېر سياسي څېرې او د ښځو د حقونو مدافعان له خپلو پاکستاني سيالانو سره خبرې کوي.
فوزيه کوفي، د ولسي جرګې پخوانۍ غړې، په خپله وينا کې ټينګار وکړ چې يوازې يو ټولګډ حکومت چې د ولس په اراده ولاړ وي، کولی شي دوامدار سوله تضمين کړي. نوموړې زياته کړه چې د افغانستان د ښځو حالت «د زغملو وړ نه دی».
له کوفي سره مصطفا مستور، د اقتصاد پخوانی وزير، نصيراحمد انديشه، د افغانستان دايمي استازی په جنيوا کې د ملګرو ملتونو په دفتر کې، احمدالله عليزی، د کابل پخوانی والی، او طاهر زهير، د باميان پخوانی والی، هم په دې ناسته کې ګډون لري.
يادونه ده چې دغه ناسته څو ځله د طالبانو د مخالفت له امله وځنډول شوه.
