افغان پناه غوښتونکی د یوې ښځې د جنسي آزار په تور په لندن کې محکمې ته حاضر شو
- Zan News
- Oct 22
- 1 min read
بشیر هوتک، ۲۳ کلن افغان پناهغوښتونکی، د يوې ښځې د «جنسي آزار» او «وهلو ټکولو» په تور د سهشنبې په ورځ په لندن کې محکمې ته حاضر شو. تور پرې دی چې د روان کال د جون ۲۹مه نېټه، يې په لندن کې د وېسټاېنډ سیمې په یوه بار کې یوه ښځه له جنسي او فزیکي زورونې سره مخ کړې ده.
د برېتانيايي رسنيو د راپورونو له مخې، د پېښې پر مهال هوتک د لندن ختيځ ته په «آيبېس سټایلز سېونکينګز» هوټل کې اوسېده. هوتک د محکمې غونډې ته له يوه فارسيژبي وکيل سره حاضر شو، خو يوازې څو دقيقې وروسته وکيل اعلان وکړ چې نور نشي کولای د هغه دفاع پر غاړه واخلي.
د راپورونو له مخې، کله چې له هوتک وغوښتل شول څو خپل دريځ د تورونو پر وړاندې څرګند کړي، هغه وژړل او ويې ويل: «انګليسي مې ډېره ضعيفه ده. ناروغ يم، د ډاکترانو تر درملنې لاندې يم او ډېر دوايانې کاروم.»
قاضي هغه ته درې اوونۍ مهلت ورکړ چې نوی وکيل پيدا کړي. ټاکل شوې ده چې بله محکمه د نومبر په ۱۰مه نېټه ترسره شي.
تر هغې نېټې، هوتک په مشروط ډول خوشې پاتې کېږي، په دې شرط چې له مدعيې سره هېڅ ډول تماس وانهخلي.
قاضي خبرداری ورکړی که دا شرطونه تر پښو لاندې شي، پوليس به هغه ونیسي او د موقتي آزادۍ پرېکړه به بيا وڅېړل شي.
