د اروپايي ټولنې استازولي: زدهکړه د ټولو لپاره، د يو مقاوم او ځانبسيا افغانستان کلي ده
- Zan News
- Oct 5
- 1 min read
د افغانستان لپاره د اروپايي ټولنې استازولۍ د نړيوال د ښوونکي د ورځې په مناسبت په يو پيغام کې ټينګار کړی چې «زدهکړه د ټولو لپاره د يو مقاوم او ځانبسيا افغانستان کلي ده» او د هېواد په اقتصادي پرمختګ کې بنسټيز رول لري.
دغه بنسټ د يکشنبې په ورځ (۱۳ تله) په ایکس شبکه کې ليکلي چې اروپايي ټولنه د افغانستان د ښوونکو له نه ستړې کېدونکو هڅو، په ځانګړي ډول د ښځينه ښوونکو او زدهکوونکو له زړورتيا، ستاینه کوي.
د ښوونکي نړيواله ورځ سږکال په داسې حال کې را رسېدلې چې پخوا د افغانستان ښوونځيو د فرهنګي پروګرامونو او د ښوونکو د درناوي له لارو دغه ورځ لمانځله، خو له هغه وخت راهيسې چې طالبان واک ته رسېدلي، دا ډول مراسم په ډېرو ولايتونو کې بند شوي دي.
په داسې حال کې چې د اکتوبر پنځمه (۱۳ تله) په ټوله نړۍ کې د ښوونکو د درناوي او د هغوی د ونډې د ارزونې ورځ ده، افغانستان نن په بل حالت کې دی؛ هلته زرګونه ښځينه ښوونکي په کورونو ناستې دي او ميليونه نجونې لا هم له شپږم ټولګي پورته له زدهکړې بېبرخې پاتې دي.
