د کونړ د زلزلې د قربانيانو شمېر له دوه زره واوښت
- Zan News
- Sep 4
- 1 min read
طالبانو په خپلو تازه شمېرو کې ويلي چې د کونړ د زلزلې د وژل شويو شمېر ۲۲۵۰ کسانو ته او د ټپيانو شمېر ۳۶۴۰ تنو ته رسېدلی دی.
حمدالله فطرت، د طالبانو مرستيال وياند، د پنجشنبې په ورځ (د وږي ۱۳مه) په يو خبرپاڼه کې ويلي چې د سلګونو قربانيانو مړي د چوکي، دیوهګل، درهچپه او مانوګي ولسوالیو کې له کنډوالو راایستل شوي دي.
هغه زياته کړې چې د ځينو زیانمنو لپاره خيمې لګول شوې او د عاجلو مرستو د لېږد بهير روان دی. خو سره له دې، د ژغورنې عمليات لا هم دوام لري او ګڼ شمېر مړي لا هم د کنډوالو لاندې پاتې دي.
دا په داسې حال کې ده چې طالبانو يوه ورځ وړاندې د قربانيانو شمېر ۱۴۵۷ وژل شوي او ۳۳۹۴ ټپيان اعلان کړي وو.
