طالبانو د نیول شوي خبريال مهدي انصاري جبري اعتراف ويډيو خپره کړې
- Zan News
- Oct 2
- 1 min read
د طالبانو پورې تړلې رسنۍ «صدای هندوکش» د مهدي انصاري جبري اعتراف ويډيو خپره کړې. انصاري د «افغانستان انترنشنل» او «۸صبح» رسنيو خبريال دی چې د طالبانو په وينا د «د نظام پر ضد تبليغاتو» په تور نيول شوی دی.
په دې ويډيو کې چې د ثبت وخت او شرايط يې نه دي څرګند، انصاري د کمرې مخې ته وايي چې له طالبانو سره د مخالفو رسنيو سره يې همکاري کړې او د ښځو اعتراضي پروګرامونه يې پوښلي دي. هغه په دغه ويډيو کې د خپل خبريالۍ کار او د اطلاعاتو د خپرولو له امله د پښېمانۍ څرګندونه کوي.
مهدي انصاري د ۱۴ تله ۱۴۰۳ لمريز کال د طالبانو د استخباراتو له لوري د کابل له دشت برچي سيمې څخه تښتول شوی و او هماغه کال د «د طالبانو پر ضد تبليغاتو» په تور يو نيم کال بند ته محکوم شو.
طالبانو ويلي چې انصاري په ټولنيزو شبکو کې د جعلي حسابونو او پاڼو له لارې د دوی پر ضد «زهرجن تبليغات» خپرول.
خو رسنيز فعالان او نړيوال بنسټونه ټينګار کوي چې دغه ډول اعترافونه جبري دي او د خبريالانو نيول د طالبانو د پراخې پروسې يوه برخه ده چې موخه يې د رسنيو ځپل او د بيان د آزادۍ غلی کول دي.
