طالبانو په هرات کې يوه ښځه د درې ميليونه افغانیو د غلا په تور نيولې ده
- Zan News
- Oct 6
- 1 min read
طالبانو په هرات کې يوه ښځه د ۳۰ لکه افغانیو (نږدې درې ميليونه افغانیو) د غلا په تور نيولې ده.
د هرات د طالبانو د امنيې قوماندانۍ نن دوشنبه (۱۴ تله) په يوه خبرپاڼه کې ويلي چې د دې ډلې ځواکونو ياده ښځه د هرات ښار په نهمه ناحيه کې پېژندلې او نيولې ده.
د طالبانو د امنيې قوماندانۍ د وياند په وينا، غلا شوې پيسې له څېړنو وروسته بېرته مالک ته سپارل شوې او د تورنې قضیه د نورو څېړنو لپاره عدلي او قضايي ادارو ته وسپارل شوې ده.
طالبانو د نيول شوې ښځې د هويت او د غلا د څرنګوالي په اړه نور جزئيات نه دي ورکړي.
