طالبانو په هلمند کې د ژوندي موجوداتو د انځورونو خپرول بند کړي

Wakil Kohsar/AFP

د هلمند ولایت یو شمېر خبریالان وايي، د دغه ولایت د امر بالمعروف، نهي عن المنکر او شکایتونو اورېدلو ریاست له خوا د ساه لرونکو د وېډيو او عکس پر نشرولو د بندیز ورته ویل شوي دي.

هلته ځایي سرچینه وایي چې، د دغه بندیز خبر نن (پنج شنبه) د یاد ریاست له خوا د یوې غونډي پر مهال د امر بالمعروف د قانون د ۲۲مي مادې پر اساس پر رسنیو او د ټولنیزو رسنیو پر فعالانو لګول شوی دی.

په ورته وخت په هلمند کې یو شمیر ممثلینو په ټولنیزو رسنیو د خپلو فعالیتونو د بندیدو خبرتیاوي خپري کړی دي.

تر دې مخکي دغه بندیز په یاد ولایت کي یوازي تر دولتي چارو او دولتي رسنیو محدود و او تازه پر ټولو عملي شوی دی.

دغه خبر داسي مهال ورکول سوی چي، شاوخوا ۱۵ ورځي مخکي هم د کندهار ولایت امر بالمعروف ریاست پر ممثیلینو د ساه لرونکو وېډیوو او عکسونو پر نشرولو بندیز ولګاوه.