په افغانستان کې انستاگرام بند شوی دی
- Zan News
- Oct 7
- 1 min read
د ټولنيزو شبکو کاروونکي راپور ورکوي چې په افغانستان کې د انستاگرام شبکې ته لاسرسی بند شوی دی.
سيمهييزو سرچينو د سهشنبې په ورځ (۱۵ تله) زننيوز ته ويلي چې دوی يوازې د فېلټرشکن په کارولو سره کولای شي دې پلېټفارم ته داخل شي.
دغه ناڅاپی بندښت د انټرنېټ کاروونکو پراخ غبرګونونه راپارولي دي. يو شمېر سرچينې او د مجازي فضا کاروونکي وايي، دا اقدام ممکن د طالبانو له لوري د رسنيو پر ازادۍ او د معلوماتو د کنټرول د نويو محدوديتونو د دوام برخه وي.
په داسې حال کې چې له دې وړاندې د فېسبوک او يو شمېر نورو شبکو کارونه هم له اختلال سره مخ شوي وو، اوس انستاگرام هم د محدودو شويو شبکو په لېست کې شامل شوی دی.
ډېری کاروونکي اندېښنه څرګندوي چې دا پرېکړه د طالبانو د نوې تګلارې يوه برخه ده چې موخه يې د بيان ازادۍ محدودول او د مجازي فضا کنټرول دی.
طالبانو تر اوسه د دې محدوديت د لامل په اړه هېڅ وضاحت نه دی ورکړی.
