په بدخشان کې یو ۱۵ کلن هلک ځان وژنه وکړه

Photo by Khwahan, via Wikimedia Commons

سیمه‌ییز سرچینې په بدخشان ولایت کې وايي چې یو ۱۵ کلن هلک د دې ولایت د کشم په ولسوالۍ کې د کورنیو تاوتریخوالي له امله ځان وژنه کړې ده.

سرچینو د دوشنبې په ورځ (۲۷ زمری) رسنیو ته ویلي چې دغه هلک د ځان په ځړولو سره خپل ژوند پای ته رسولی دی.

د سرچینو په وینا، نوموړی هلک د نورو د ځورونې له امله تل د خپل پلار له لوري وهل کېده.

یاده دې وي چې د ځوانانو او ماشومانو ترمنځ د ځان وژنې پېښې تر دې وړاندې هم راپور شوې وې او له هغې راهیسې چې طالبان بېرته واک ته رسېدلي، دغه لړۍ نوره هم زیاته شوې ده.