د طالبانو د بهرنیو چارو وزارت وايي چې د ملګرو ملتونو د مرستندویه پلاوي په افغانستان (یوناما) او د دې سازمان د بشري حقونو د دفتر د ګډ راپور له خپرېدو وروسته، چې په کې د هغو کسانو په اړه د طالبانو د انتقام یادونه شوې وه چې په غیرداوطلبانه توګه افغانستان ته ستانه شوي، د یوناما یو شمېر مسئولین دې وزارت ته احضار شوي دي.

د آزادی او اندېښنې د ښځو بنسټ په یوه اعلامیه کې ویلي چې د تګ راتګ محدودول او د ښځو لپاره د برقع اجباري کول په پنجشیر ولایت کې د طالبانو سختو تګلارو دوام دی او دغه کړنې د دیني ارزښتونو او نړیوالو ژمنو سره په ټکر کې دي.

له ویزو د تمدید د بندېدو او په پاکستان کې د نیونو د زیاتېدو سره، لسګونه افغان خبریالان چې له طالبانو د بیا واکمنېدو وروسته دې هېواد ته تښتېدلي، اوس د جبري ایستلو له ګواښ سره مخ دي.

ځايي سرچینې په خوست ولایت کې وايي چې په دوه جلا پېښو کې یوه نجلۍ او یو هلک ځوان ځان وژنه کړې ده.