د ملګرو ملتونو د ښځو اداره (UN Women) په خپل تازه راپور کې ويلي، افغانستان د طالبانو تر واک لاندې د ښځو، نجونو او د هغوی پر حقونو، ازادۍ او کرامت د «قصدي او بې‌ساري بريد» شاهد دی.

اروپايي ټولنې او ازبکستان د همکارۍ د شورا په وروستۍ غونډه کې، چې په لوګزامبورګ کې ترسره شوه، د افغانستان د مېرمنو او نجونو پر وضعیت ژوره اندېښنه څرګنده کړې ده.

ريچارد بنټ، د ملګرو ملتونو د بشري حقونو ځانګړي راپور ورکوونکي، د افغانستان په چارو کې د طالبانو وروستی علنی اعدام په بادغیس ولايت کې غندلی او ويلي یې دي چې طالبان له علني اعدامونو د خلکو د وېرولو او د ټولنې د کنټرول لپاره د يو وسيلې په توګه کار اخلي.

دیدبان حقوق بشر ويلي، طالبانو له بيا واکمنېدو راهيسې د افغانستان د رسنيو ازادي بې‌ساري توګه سرکوبه کړې او د ښځو حضور يې په رسنيو کې نږدې صفر ته راکم کړی دی.