د ښځو حرکت شبکې له پاکستانه د افغان پناه‌غوښتونکو د جبري ایستلو پر وړاندې د نړیوالې ټولنې چوپتیا او بې‌عملي «د شرم وړ» بللې ده. دا شبکه وايي، د افغانستان زرګونه ښځې او نارینه د ایستلو او د طالبانو واکمنۍ ته د بېرته ستنېدو د خطر ترمنځ بند پاتې دي.

د افغانستان پخواني ولسمشر حامد کرزي یو ځل بیا د نجونو او هلکانو لپاره د زده‌کړو د زمینې برابرولو غوښتنه کړې ده. هغه وايي، عامه زده‌کړې او د متخصصو کادرونو روزنه کولای شي په افغانستان کې د بې‌سوادۍ، بې‌وزلۍ او ټولنیزو بحرانونو د پراخېدو مخه ونیسي.

په بامیان کې طالب چارواکو له خبریالانو غوښتي چې د دې ډلې لاسته راوړنې منعکسې کړي او د طالبانو د نظام د پیاوړتیا لپاره له اړوندو ادارو سره همکاري وکړي.

په هرات کې یو شمېر میندو زن‌نیوز ته ویلي چې د طالبانو د امر بالمعروف او نهی عن المنکر مأمورانو د چادري د نه لرلو له امله روغتونونو ته د هغوی د ننوتلو مخه نیولې؛ ان هغه وخت چې ماشومانو یې بېړنۍ درملنې ته اړتیا لرله.