محلي سرچینې په هرات کې وایي چې عالیه ملورین، یوه پېژندل شوې بلاګره، د پنج‌شنبې په ورځ (۳ تله) د «برج صدف» په رستورانت کې د ډوډۍ خوړلو پر مهال د طالبانو د امر بالمعروف د مامورینو له خوا ونیول شوه.

محلي سرچینې په هرات کې وایي چې یوه ښځه نن شنبه (۵ تله) د طالبانو د استیناف په محکمه کې د خپلې قضیې د محاکمې پر مهال په ډزو وژل شوې ده.

د طالبانو محلي مسئولین په کونړ ولایت کې وایي چې د باران او طوفان له امله د یوه کور چت په منور ولسوالۍ کې نړېدلی چې په پایله کې یې دوه ماشومان وژل شوي او څلور تنه نور، په شمول د دوو ښځو ټپیان شوي دي.

د هلمند ولایت یو شمېر خبریالان وايي، د دغه ولایت د امر بالمعروف، نهي عن المنکر او شکایتونو اورېدلو ریاست له خوا د ساه لرونکو د وېډيو او عکس پر نشرولو د بندیز ورته ویل شوي دي.