د طالبانو پورې تړلې رسنۍ «صدای هندوکش» د مهدي انصاري جبري اعتراف ويډيو خپره کړې. انصاري د «افغانستان انترنشنل» او «۸صبح» رسنيو خبريال دی چې د طالبانو په وينا د «د نظام پر ضد تبليغاتو» په تور نيول شوی دی.

نړیوال د خوراک پروګرام (WFP) وايي چې د افغانستان وروستيو زلزلو د لوږې او خوارځواکۍ بحران بې‌ساري کچې ته رسولی دی.

د بشري حقونو سازمان «هه‌نگاو» اعلان کړی چې ايران د روان ميلادي کال د سپتمبر په مياشت کې لږ تر لږه ۱۸۷ بنديان اعدام کړي چې په هغوی کې ۱۰ افغانان، د يوې ښځې په ګډون، شامل دي.

د افغانستان د مدني فعالانو او سياسي استازو دوه ورځنۍ ناسته د «وحدت او اعتماد» تر نوم لاندې نن دوشنبه (۷ تله) په اسلام‌اباد، د پاکستان په پلازمېنه کې ترسره شوه.