یوه ډله د افغانستان د ښځو د ملي فوټبال ټیم پخوانۍ لوبغاړې، چې د ۲۰۲۱ کال د طالبانو له واکمنېدو وروسته مجبوره شوې وې هېواد پرېږدي، اوس په انګلستان کې بیا ډګر ته راستانې شوې دي.

د بشري حقونو بنسټ «رواداري» په خپل تازه راپور کې ویلي چې د ۲۰۲۵ کال په لومړیو شپږو میاشتو کې په افغانستان کې د هدفمندو، مرموزو او فراقضایي وژنو کچه شاوخوا ۳۰ سلنه لوړه شوې ده.

د ګارډین ورځپاڼې راپور ورکړی چې طالبانو امر کړی ټولې د ښځو ښکلاخونې چې له رسمي بندیز وروسته هم په پټه فعالیت کوي، باید وموندل شي او وتړل شي.

هبت‌الله اخندزاده، د طالبانو مشر، د عاشقانه شعرونو ویلو او په شعرونو کې د نجونو او هلکانو د توصیف منع کړې او خبرداری یې ورکړی چې سرغړونکي به مجازات شي.