معترضان وايي، نه یې کوم ځانګړی امتیاز غوښت او نه یې سیاسي شعارونه ورکړل؛ هغوی یوازې درې کلمې چیغې کړې: «کار، زده‌کړې او ازادي». خو طالبانو دغه ساده غوښتنه هم ونه زغمله او په ډزو او وهلو ټکولو یې ځواب ورکړ.

یوناما د طالبانو له‌خوا د هرات د جبرئیل اعتراض د ځپلو پر مهال د یوه کس وژل کېدل تأیید کړي دي. دې ادارې ویلي چې د دې پېښې له امله د دویمې مړینې د راپورونو څېړنه کوي.

ټایم مجلې خالده پوپل، د افغانستان د ښځو د فوټبال ملي لوبډلې پخوانۍ کپتانه، د ۲۰۲۶ کال د نړۍ د ورزش د ۱۰۰ اغېزناکو څېرو په فهرست کې شامله کړې ده.

په تبعید کې د ازادګانو غورځنګ وايي، د هرات د جبرئیل سیمې ولسي اعتراضونه یوازې د یوې مشخصې پېښې په وړاندې غبرګون نه دی، بلکې د هغو خلکو غږ دی چې نږدې پنځه کاله د سرکوب، تبعیض، محرومیت او له خپلو اساسي حقونو د سیستماتیک حذف تر سیوري لاندې ژوند کړی دی.