الکساندر دی‌کرو، د ملګرو ملتونو د پراختیايي پروګرام رییس، او برهم صالح، د کډوالو په چارو کې د ملګرو ملتونو عالي کمېشنر، له طالب چارواکو سره په لیدنه کې په افغانستان کې د ښځو او نجونو د اساسي حقونو د تأمین غوښتنه کړې ده.

د ښځو حرکت شبکې د ۱۴۰۵ کال د کانکور د پایلو د اعلان په غبرګون کې ویلي چې د دې ازموینې د پایلو اعلان، له حتی یوې نجلۍ پرته، د «عدالت، برابرۍ او د افغانستان د راتلونکي د ښخېدو» نښه ده.

د افغانستان د رسنیو د ملاتړ سازمان، امسو، اعلان کړی چې د «پیگرد» خبري اژانس مسوول جاوید نیازی د طالبانو له شاوخوا دوو میاشتو بند وروسته خوشې شوی دی.

یو شمېر د دیني مدرسو ښوونکي، د جوماتونو مدرسین او په هرات ولایت کې د اهل تشیع کورنۍ وايي چې طالبانو د دې مذهب د یو شمېر مذهبي کتابونو تدریس منع کړی دی.