زه خبریاله وم. له کلمو سره مې ژوند کاوه او د کمرې او قلم له لارې مې د خپلو خلکو دردونه بیانول. خو یوه ورځ داسې راغله چې زه خپله د هغو کسانو له ډلې شوم چې باید د دردونو کیسې یې لیکل شوې وای.

په افغانستان کې د ملګرو ملتونو مرستندویه پلاوی (یوناما) وایي، ښځې د ګواښ او غچ اخیستنې له وېرې او د طالبانو پر ادارو د بې‌باورۍ له امله د دغې ډلې د ځواکونو ناوړه چلند نه راپوروي.

په هرات کې ولسي سرچینې وایي، محمد نعمان نومی ځوان، چې د عبدالرحمن مرادي زوی او د هرات د ولایتي شورا د پخواني وکیل حاجي ارباب شیروخان علیزایي د کورنۍ غړی و، په دغه ولایت کې د طالبانو د امنیې قوماندانۍ ته څېرمه وژل شوی دی.

بې پولې خبریالان (RSF) وایي، طالبانو په تېرو پنځو کلونو کې افغانستان په منظم ډول په «د معلوماتو زندان» بدل کړی دی، داسې ځای چې له هر نوي فرمان سره د خبریالانو او خپلواکو رسنیو د فعالیت فضا لا تنګېږي.