په افغانستان کې د ملګرو ملتونو مرستندویه پلاوی (یوناما) وايي د طالبانو ۱۸م فرمان د «زوجینو د تفریق» په اړه کولای شي د ماشوم‌ودونو زمینه پیاوړې کړي؛ ځکه په دې فرمان کې د بلوغ تر رسېدو وروسته د نجلۍ چوپتیا د واده لپاره د هغې د رضایت په توګه تعبیرېدای شي. دې ادارې ویلي چې دا ډول حکم د آزاد او بشپړ رضایت اصل کمزوری کوي او د ماشوم د غوره ګټو د خوندیتوب مخه نیسي.

درې ښځې چې د طالبانو له زندانه خوشې شوې، له زن‌نیوز سره په خبرو کې په دې ډله پورې اړوند بندخونو کې د خپلو تجربو ټکان ورکوونکی روایت بیان کړی دی. دا ښځې وايي، د طالبانو په زندانونو کې «امنیت، قانون او انساني کرامت» هېڅ معنا نه لري.

سیمه‌ییزې سرچینې په کابل کې وايي چې یوه ځوان سړي نن سه‌شنبه (د غويي ۲۹مه) د بې‌کارۍ او اقتصادي فشارونو په اعتراض کې د هوايي ډګر سړک ته نږدې ځان ته اور اچولی دی.

بي‌بي‌سي په یوه راپور کې ویلي چې سخته بېوزلي، بې‌کاري او لوږه په افغانستان کې یو شمېر کورنۍ سختو پرېکړو ته اړې کړې دي، چې پکې د خپلو کم‌عمره نجونو د واده لپاره پلورل هم شامل دي.