محمد خالد حنفی، د طالبانو د امر بالمعروف او نهی عن المنکر وزیر، هرات ته په سفر کې د ښځو د پوښاک په اړه د دې ډلې پر تګلارو نړیوال غبرګونونه «غیرمنصفانه» بللي دي.

یونیسف په یوه تازه راپور کې خبرداری ورکړی چې په افغانستان کې ۳.۷ میلیونه له پنځو کلونو کم عمره ماشومان د غذایي ناامنۍ له امله د خوارځواکۍ له لوړ خطر سره مخ دي.

نصیراحمد فایق، په ملګرو ملتونو کې د افغانستان د استازولۍ سرپرست، ویلي چې په افغانستان کې د مرموزو وژنو، جنسي تېري، انسان‌تښتونې، فراقضايي اعدامونو او اجباري ودونو زیاتوالی، د طالبانو تر واک لاندې د قانون د حاکمیت د نشتوالي او له مجازاتو د معافیت د فرهنګ د پراخېدو پایله ده.

د افغانستان د معترضو ښځو د غورځنګونو خپلواک ائتلاف، له نجونو پرته د کانکور د پایلو د اعلان په غبرګون کې ویلي چې دا ازموینه «علمي مشروعیت» نه لري او د افغانستان له زده‌کړو او راتلونکي څخه د ښځو او نجونو د سیستماتیک حذف نښه ده.