د هېواد په بېلابېلو ولایتونو کې یو شمېر ښځې وايي چې په افغانستان کې د امیندوارۍ د مخنیوي د درملو د پلور د بندیز په اړه د طالبانو پرېکړې پر کورنیو سخت فشار راوستی او ښځې یې په عملي ډول پرله‌پسې ماشوم زېږولو ته اړې کړې دي.

په کندهار ولایت کې ځایي سرچینې وايي چې د درې هغو ښځو جسدونه، چې څه موده وړاندې وژل شوې وې، د دې ولایت د سپین‌بولدک ولسوالۍ کې موندل شوي دي.

په کاپیسا ولایت کې خبریالان او د رسنیو مالکان وايي چې طالبانو د ژوندي موجوداتو د انځورونو د خپرولو په منع کولو سره په دې ولایت کې رسنۍ په عملي ډول خفه کړې او د بیان ازادي یې په ښکاره ډول نقض کړې ده.

د اروپايي پارلمان غړې هانا نویمان ویلي چې په افغانستان کې د طالبانو جزايي اصول‌نامه «د ښځو او نجونو پر وړاندې جنسیتي آپارتاید او عملي غلامي تدوینوي».