په افغانستان کې د ملګرو ملتونو مرستندویه پلاوي (یوناما) د طالبانو له‌خوا د لږ تر لږه درېیو خبریالانو د نیولو په اړه اندېښنه څرګنده کړې ده.

د ملګرو ملتونو د ښځو ادارې په یوه تازه راپور کې ویلي چې ښځې او نجونې په افغانستان کې له مخ پر خرابېدو بشري کړکېچ سره مخ دي. دې ادارې د طالبانو محدودیتونه، بېوزلي، اقلیمي کړکېچونه او د بشري مرستو د بودجې کمېدل د دې وضعیت د خرابېدو له لاملونو بللي دي.

په میدان وردک کې د طالبانو امنیه قومانداني وايي چې د دې ولایت د دایمیرداد ولسوالۍ کې د یوه ماین د چاودنې له امله شپږ ماشومان ټپیان شوي دي.

سیمه‌ییزې سرچینې په بدخشان کې وايي چې لیلما، د دې ولایت د محلي سندرغاړي سلام مفتون ښځه، د ناپېژاندو وسلوالو له‌خوا وژل شوې ده.