د کاناډا په ټورنټو کې مېشتو یو شمېر افغانانو واک ته د طالبانو د بېرته ستنېدو د پنځمې کلیزې په مناسبت په یوه غونډه کې د ښځو او نجونو پر وړاندې د محدودیتونو د پای ته رسېدو، د طالبانو د عادي کولو د درولو او د افغانستان د خلکو د اساسي حقونو د تضمین غوښتنه کړې ده.

د افغانستان یو شمېر بنسټونو، اعتراضي غورځنګونو او وګړو د پخواني نظام د سقوط او د طالبانو د بېرته واکمنېدو د پنځمې کلیزې په مناسبت د یکشنبې په ورځ، د اګست په ۱۶مه، د فرانسې په پاریس کې غونډه وکړه او د طالبانو د عادي کولو د بهیر د پای ته رسولو، د ښځو او نجونو د عملي ملاتړ او د افغانستان د خلکو د خپل سیاسي برخلیک د ټاکلو د حق د په رسمیت پېژندلو غوښتنه یې وکړه.

د ښځو د حرکت شبکې له پاکستانه د افغانستان د پناه غوښتونکو جبري ایستل غندلي او د دې بهیر پر وړاندې یې د نړیوالې ټولنې پر چوپتیا او بې‌عملۍ نیوکه کړې ده. دغې شبکې ویلي، ښځې، خبریالان، مدني فعالان او نور له خطر سره مخ کسان د پاکستان او طالبانو ترمنځ د سیاسي ترینګلتیا بیه پرې کوي.

په افغانستان کې د ملګرو ملتونو مرستندویه پلاوی (یوناما) وایي، پر ښځو او نجونو د طالبانو سختو محدودیتونو ژورې ټولنیزې او اقتصادي پایلې لرلې او په افغانستان کې د نړیوال تعامل او پانګونې د پراختیا پر وړاندې په یوه اصلي خنډ بدل شوي دي.