اوچا وايي، په افغانستان کې د بشري مرستو رسولو لپاره دوامدارې بودجې، بشري لاسرسي او د ښځو معنادار ګډون ته اړتیا ده.

د ملګرو ملتونو د ښځو اداره وايي، په منځني ختیځ کې د کړکېچ زیاتوالی په افغانستان کې د ښځو او نجونو د خوړو د ناامنۍ خطر زیاتولی شي؛ ښځې او نجونې د احتمالي اغېزمنو کسانو ۶۰ سلنه جوړوي.

یوناما وایي، د پاکستان په نننیو هوايي بریدونو کې په کونړ او هلمند کې لږ تر لږه ۱۰ ملکي وګړي وژل شوي او ۹ نور ټپیان دي. ډېری وژل شوي ماشومان دي.

د کندهار په ډنډ ولسوالۍ کې د ناوې د لېږد پر موټر شخړې د ۲۲ کلنې ناوې کافیه او د زوم د ماما ژوند واخیست. د زوم ماما پر ناوې له ډزو وروسته ځان هم وویشت.