په فراه ولایت کې د طالبانو مسوولان وايي، د فراه‌رود ولسوالۍ کې د یوه کور د دېوال د نړېدو له امله د یوې کورنۍ دوه کسان مړه شوي او درې نور ټپیان دي.

زرقا یفتلي، د افغان ښځو د حقونو او د نجونو د زده کړو فعاله، د ۲۰۲۶ کال د «زاید د انساني همبستګۍ نړیواله جایزه» ترلاسه کړه.

د طالبانو د طبیعي پېښو پر وړاندې د مبارزې اداره وايي، په تېر یو کال کې په هېواد کې د ماینونو او ناچاودو توکو د چاودنو له امله ۸۷ کسان وژل شوي، چې له دې ډلې ۶۷.۵ سلنه قربانیان ماشومان دي.

د بشري حقونو د څار سازمان په خپل کلني راپور کې ویلي چې په ۲۰۲۵ کال کې د طالبانو له لوري د افغانستان د ښځو او نجونو ځپل زیات شوي او په ورته وخت کې په هېواد کې بشري بحران هم لا خراب شوی دی.